السلام عليكم خوتي ومرحبا بكم فموقعكم اللي كنتمنى يفيدكم ويقدم ليكم الإضافة ولو قليلاً، فهاد المقالة غنعطيك فكرة اللي تقدر تطبقها وتربح منها بزاااف ديال الفلوس اذا خدمتي عقلك وعطيتيني وقتك وركزتي مزيان… ودائماً شعارنا هو بسم الله توكلنا على الله ولا حول ولاقوة الا بالله، دب تبع معايا باش تفهم…
شنو خاصني باش نربح 300 dh فساعة وبلا راس المال.
اللي زوين فهاد الفكرة اللي غنعطيك هو انه تقدر تربح اكثر من 300dh للساعة، يعني انت وخدمتك.. اعطيتي جهد كثر = غتربح كثر ان شاء الله، ومغتحتاج لا راس لمال لا والو، غير تيليفون وكونيكسيون وتوكل على الله…
غادي تحتاج ايضا حساب بنكي باش يوصلوك الفلوس فيه، وهنا متخلعش اذا مكانش عندك حساب بنكي تقدر تشد فلوسك غير من كاش بلوس او تقدر تستخدم الحساب البنكي ديال اقرب واحد ليك من عائلتكاو اصدقائك لي يكون بيناتكم الثقة والمصداقية.
شنو هي اهم حاجة فالفكرة ديال ربح 300 dh فالساعة
صحيح انك غتحتاج غير تيليفون وانترنت ومغتحتاجش لراس المال فهاد الفكرة باش تطبقها، لكن اهم حاجة غتحتاجها هنا هي المعرفة، غتقوليا كيفاااااش اخويا؟ فهمني؟ بغييييت نفهم؟ غنقوليك راها ساهلة ماهلة، المعرفة ببساطة هي انك تكون كتفهم شي مجال من المجالات، وسبحان الله كل واحد فينا وفين كيفهم ويبدع.
وهنا غادي نستغلو داك المعرفة ديالنا باش نفيدو بيها الناس اللي غيخلصوووونا مزياااااااااان… بالنسبة للناس اللي كيقولو منين نجيبو المعلومة او المعرفة، بلا ماتخاف انا غنعطيك بالضبط منين تجيبها وتضرب اللعااااقة مع راسك… ايوا كمل تاللخر باش تفهم كيفاش.
ربح المال من كاش بلوس
دب ندخلو للصح الصحيح… هاد الفكرة ممتعة وبزااااف وفاش غتبدا خدام بيها غتقول وفييييين كنت وفين كان عقلي… الناس كانت خدااااامة على راسها وانا كنت فدار غفلووون…ههههههه، اييييه كلنا قلنا هاكدا فاش عرفنا الحقيقة ديال انترنت…
المهم باش منطولش عليكم الفكرة ببساطة اذا كنتي ولد الشعب ولكن عندك فورمة زوينة وعندك معرفة ومعلومات على الرياضة مثلا كمال الاجسام، وعندك معلومات على شنو تاكل وشنو متاكلش، المهم معلومات مفيدة على المجال ديالك، كل ماعليك هنا هو تدير حسابات على مواقع التواصل الاجتماعي، فايسبوك تيكتوك انستغرام، ولوح فيديوهات مفيدة للناس، وهنا غيجيو ناس مهتمين كاين لي غيقوليك بغيت كوتشينغ يعني تولي مدرب ديالو وتعطيه نصائح غير فواتساب والثمن ديال هاد الخدمة نتا لي كتحددو.
وكاين ناس غتبغي استشارة فهدشي ونتا كتطلب الثمن ديالك وضرب ليااااا العاقة مع راساتك…
كنتي طبيب ديال الأسنان، كيفما كتعرف الناس دب ولاو كيعكزو يمشيو للطبيب ويديرو استشارة،مكرهوش شي طبيب ينصحهم ويقوليهم اش يديروا غير من واتساب وبطبيعة الحال هوما كيخلصو ثمن ديال الاستشارة…
وهدشي يمكن تطبقو فأي حاجة كتفهم فيها.
طريقة العمل لربح 300 dh للساعة
الطريقة ببساطة اسيدي اذا كنتي كتفهم فشي مجال غدير صفحة او حساب على منصات التواصل الاجتماعي باش تروج لدكشي لي كتفهم فيه…
مثلا كنتي طبيب راه غتنزل فيديوهات مفيدين للناس ومعلومات حول طب الاسنان.
اذا كنتي ولد الشعب ولكن عندك فووورمة وكتفهم فهدشي ديال الرياضة والفيتنس والاغذية وشنو خاصك تاكل وشنو مخاصكش… دير حتا نتا صفحة ونزل فيديوهات والناس فاش غيشوفوك غادي يجيو عندك تفيدهم… وببساطة ليس كل شيء مجاني = يعني اذا بغيتي الاستشارة حك جيبك هههه
وهنا كنكونو سالينا المقال ديالنا كنتمنى نكون فيدتكم ولو بالقليل، وكلمة وحدة لي نقوليك هي توكل على الله ومغيكون غير الخير.
